“Jak Roberto’s New Year Party Sparks Buzz Before Breakup”

Kapuso Actor Jak Roberto’s New Year’s Celebration Before Breakup Announcement Draws Mixed Reactions

Umani ng iba’t ibang komento mula sa netizens ang video na in-upload ng Kapuso actor na si Jak Roberto, 31, sa Instagram noong January 1, 2025. Makikita sa video ang masaya niyang pagsalubong sa Bagong Taon sa Ayala Avenue, Makati City, ilang oras bago inanunsyo ng longtime girlfriend niyang si Barbie Forteza, 27, ang kanilang breakup.

Sa naturang video clips, dokumentado ang pagdalo ni Jak sa New Year’s Eve Countdown noong gabi ng December 31, 2024. Makikita ang masayang pagtalon, pagkanta, at pagsayaw ng aktor sa saliw ng musika ng mga nagtatanghal sa concert party, kabilang sina Gloc-9, Gary Valenciano at anak nitong si Gab Valenciano, at ang P-pop girl group na BINI. Sa huling bahagi ng video, masayang binati pa ni Jak ang kanyang followers ng “Happy New Year” habang nakangiti.

Netizens’ Reactions to Jak’s Celebration

Sa post na ito ni Jak, kapansin-pansin ang paglimita niya sa mga komento. Gayunpaman, isang Facebook page ang nag-screenshoot ng kanyang post at ni-repost ito, dahilan upang mas umingay ang diskusyon tungkol sa naging pagdalo ng aktor sa party. Maraming netizens ang nagtanong kung bakit mas piniling mag-party ni Jak sa gitna ng pinagdadaanan umano nilang breakup ni Barbie.

Advertisement

May mga fans na umintindi sa naging aksyon ni Jak, sinasabing maaaring ito ang kanyang coping mechanism para maibsan ang sakit ng hiwalayan. Saad ng isang netizen, “Maybe it’s Jak’s coping mechanism. Despite his party vibe, kita lungkot sa eyes.”

Gayunpaman, mayroon ding hindi naitago ang kanilang kritisismo. Ayon sa isang netizen, “Ganyan kasaya kapag may mali ginawa tapos iniwan… tama lang na naghiwalay sila at hindi sila bagay.” Dagdag pa ng isa, “Jowa kasi ni Jak yung afam Hahahaha.” Ang mga ganitong pahayag ay lalo pang nagpa-init ng spekulasyon tungkol sa breakup.

Breakup Announcement ni Barbie Forteza

Noong January 2, 2025, kinumpirma ni Barbie Forteza sa kanyang Instagram account ang hiwalayan nila ni Jak matapos ang pitong taon ng pagiging magkasintahan. Sa kanyang emosyonal na post, pinuri pa ni Barbie ang naging relasyon nila ni Jak, tinawag itong “seven wonderful years.”

Barbie Forteza, Jak Roberto break up after 7 years | GMA News Online

Nagpasalamat si Barbie sa pagmamahal na ibinigay ni Jak ngunit binanggit din niya na minsan, kailangang maghiwalay ng landas para sa mas magagandang oportunidad sa hinaharap. “Beautiful goodbye, @jakroberto,” ani Barbie. Sa kanyang post, hiniling niya ang pang-unawa ng kanilang fans at pinakiusapan ang mga ito na tuldukan na ang usapin tungkol sa kanilang breakup.

Netizens’ Speculations

Bagamat walang direktang dahilan na ibinigay si Barbie tungkol sa breakup, marami ang nag-akala na may kinalaman ito sa tagumpay ng kanyang career. Lumutang din ang pangalan ni David Licauco, ang onscreen partner ni Barbie, bilang isa sa mga posibleng dahilan ng breakup dahil sa pagiging malapit nila sa isa’t isa.

Jak’s Silence Amidst the Issue

Habang isinusulat ang artikulong ito, nananatiling tahimik si Jak tungkol sa naging anunsyo ni Barbie. Maraming fans ang nag-aabang sa kanyang posibleng reaksyon o statement, ngunit tila pinili ng aktor na manatili sa kanyang pribadong buhay habang pinoproseso ang nangyari.

Pagkilala at Pagtanggap

Ang naging breakup nina Jak at Barbie ay nagsilbing paalala na kahit ang pinakamamahabang relasyon ay maaaring magtapos. Gayunpaman, ang kanilang respeto sa isa’t isa, kahit sa gitna ng hiwalayan, ay patunay ng kanilang maturity bilang public figures. Habang patuloy silang suportado ng kanilang fans, pareho rin silang hinihikayat na hanapin ang kanilang sariling kaligayahan sa hinaharap.